[center]تعالوا نتكلم شويه في الحب و العلاقات العاطفيه ..
في ناس كتير أو بخصوصا شباب يعني بيفكروا بيقولوا أنا لازم أكون عامل علاقه عاطفيه مع بنت علشان أعرفها كويس و بعدين أتقدملها و بيبرر كده بقوله المشهور "ازاي حتجوز واحده مبحبهاش ؟"
يعني لازم علشان يتجوز بنت يقابلها في أي حته و يتعرف عليها أكتر علشان يعرف مشاعرها تجاهه علشان ميكونش فيه أي رفض من قبل البنت ...
أو البنت نفسها في الجامعه ممكن تكون بتحب واحد أوي علي أمل أنها تتجوزه و تستمر العلاقه العاطفيه ده لفتره كبيره و غالبا ما بتنتهي بالفشل و علي الرغم من كده كتير أوي من الشباب و البنات بيعملوا كده
أنا عايز أعرف رأيكم في الحب قبل الجواز أو العلاقات العاطفيه ؟؟
يعني عايز أعرف هل لازم تقابل البنت و يحصل قبول ما بينكم الأول قبل ما تتقدملها و لا ده كله كلام مش صح
يعني غالبيه الشباب و البنات في الجامعه بشوفهم أما بييجي أي برنامج عن الحب بيتكلموا كلهن تقريبا عن علاقات حب و غرام بينهم و بين شباب و قصص انفصال بعيدا عن الزواج
و حتي سمعت ولد في أحد هذه القنوات الاذاعيه بيقول بالنص " أنا سيبت البنت الي بحبها علشان خانتني "
معني الجمله علاقه و حب و خيانه علي الرغم من عدم وجود أي عقد زواج ما بينهم
طيب أي أب لو عنده بنت و خايف عليها من كلام الحب ده و الي لو فتح أي برنامج حيلاحظه حيعمل ايه ...
يعني مثلا فيه ولاد كتير قايل أنا عايز بنت مفيش حد مسك ايديها قبلي و الكلام ده لكن هل بعد كل العلاقات و الحب الي بنسمع عنه فيه البنت ده
و طالما هي بقت ثقافه عامه أن لازم يكون فيه حب عامه و علاقه عاطفيه و بقي الأمر ده مبرر و عادي و الشباب كله مش فارق معاه ليه بيطلب البنت أنها تكون محترمه أوي أو متدينه أوي اذا كان هو ميفرقش معاه أن يكون أي علاقه حب أو علاقه عاطفيه قبل الجواز ؟؟؟
و سؤال غريب جدا ايه الي بيخلي البنت أو الولد يبنوا حبهم و حياتهم و أحلامهم و يقتنعوا بيها و مفيش أي أساس أو أي مقومات ممكن تبني الحياه الي بيحلموا بيها و بيخلي الحب الي ما بينهم أو العاطفه تتحول بمرور الوقت لمجرد وهم و علاقات مستقبليه فاشله مليئه بالماضي و أحلامه مع أزواجهم المستقبليين ؟؟
تعالى عندك اى مشكله عاطفيه او عندك احلها انشاء الله تعلوا ندردش شويه انا عارف الحب واخروا واسئل مجرب
موضوع: كلام مهم فى العلاقات العاطفية 2 
السبت 25 يوليو 2009, 4:43 am